August ni 8, 2023 aṭang khan Hachhek bialtu MLA Pu Lalrindika Ralte chuan bial fangin Tuidam leh Kawrtethawveng inkara dân lova kuhva tawlhtute danna tur check gate siamna atan cheng nuai khat a hlan.
Hlanna inkhawm tawi neihah Bialtu MLA Pu Lalrindika Ralte chuan, khuarel chhiatna pawh ni lo, mi duhâm, dân lo va sumdawngte sorkarin a thunun theih loh avanga hetiang zat sum sen angai leh hlawh pawh awm lova tlaivara duty te ala ngai zel mai hi a thinrim thlak a. Kan ram kuthnathawktute tibeidawng zawnga kan rinchhan tur ber sorkar a awm hi a pawi tak zet a ni, a ti.
Pu Lalrindika Ralte chuan, Kawrthah South V.O Self Help Group tan puantah khawl leina tur cheng nuai khat a hlan bawkin Self Help Group hruaitute hnenah Pu Lalrindika Ralte, MLA chuan, theihtawp chhuahin hna in thawk ṭhin tih ka hria. Theihtawpa hna in thawh hnuah in theih bakah min rawn pur chauh a. Theihtawpa hnathawktute hi puih an nuam. Hei vang hian Congress Party chuan Ṭang Puihna Policy a nei. Lo ṭang zel ula, Pathian zara Congress Party ten Sorkarna kan chang a nih chuan Ṭang Puihna hmangin nasa zawka hna in thawh theihna turin ruahmanna kan siamho dawn nia a ti.
Hachhek bialtu MLA Pu Lalrindika chuan, Kanhmun MUP te hnenah MUP Rûn sakna tur cheng nuai khat a hlan bawk a. Hlanna inkhawm tawi neihah Pu Rindika chuan, kum upate hi khawvel tan an hlu a. Ramchangkang zawkahte phei chuan ngaihsak an hlawhin sorkar pawhin an in tihhlimna hmun turte a siam sak ṭhin a, keini ramah chuan kan la siam sak ve thei lo che u. Tuna kan tih theihtawk erawh min pawm sak ula, nangni tan ngaihtuahna kan seng chho zel ang, a ti bawk.
Hachhek bial fang mektu Pu Lalrindika Ralte chuan, Tuidam MZI te tan Ṭingṭang a pek bakah Zawlnuam Damdawi In tan Generator a pe bawk a ni.
