Aizawl April 23 : Nimin khan Mizoram Police Siaha leh Legal Metrology Siaha te chuan Dan lova Petrol leh diesel zawrh te dapin Joint Inspection an nei a, dan lova Petrol zuar mi 6 (paruk) te chu The Motor Spirit and High Speed Diesel (Regulation of Supply, Distribution and Prevention of Malpractices) Order 2005, Sub Rule 3(4) tlawh chhanin an man.
Heng an mi man te chungchang hi danin a phut angin an chungchang ngaihtuah a ni ang.Niminah vek hian Insakna bungrua Iron rod zuartute pawh check nghal a ni a,dawr tinah Electronic Weighing Scale an kawl vek leh an hmang vek ta chu lawmawm an ti hle. Iron Rod len zawng Nominal Size pawh Digital Slide Callipers hmangin check nghal a ni a, a len zawng te pawh a tling tha hlawm viau tih hmuh a ni.Nimina duty te hi Pu Robert Solo SDPO leh Pu R Lalnghakliana Assistant Controller, Legal Metrology ten an ho a ni.
