ZPM Thalai chuan thuchhuah siamin, “Ni 7.9.2022-a Bethlehem Vengthlang YMA Hall-a Aizawl South I Block MNF in mithar lawmluhna inkhawm an neihah, Pu Robert Romawia Royte in Rajivnagar-ah Pu Lalduhoma’n mi 40 chuang lawmlut leh VC bye election-ah vote 6 chauh an hmu ni-a a sawi chu a zah tawrh chak thlak hlein ZPM Thalai chuan kan hria a, Rajiv Nagar-I ah hian ZPM in lawhluh kan nei lo tih Pu Robert Romawia Royte hian lo hria se kan duh a, MNF minister zinga thiltitheiberin dawt sawi phut zuk a nei lo hi pawi kan ti hle,” an ti.
Thuchhuahah chuan, “Ni 7.9.2022 veka Assembly House-a Aizawl South I bialtu MLA Pu C.Lalsawivunga zawhna a chhanna ah, Pu Robert Romawia Royte hian Aizawl South I huam chhunga AMC leh Local Council inthlan laia a thil tiamte pakhatmah tihhlawhtlin a la neih loh thu a hriat theih a, hei hian Pu Robert Romawia Royte chu Aizawl South I bial mipuite hmusittu a ni tih a târlang chiang hle a, a thil tiamte pakhatmah puitlin a la neih loh laia Aizawl South I biala a kal ngam chu Aizawl South I mipuite’n mak an ti hle a ni,” an ti bawk
