Vairengte Congress Media Cell chuan thuchhuah siamin, “NH – 306, Vairengte leh Bilkhawthlir inkar Kawngpui chhiat chungchangah hian; Vairengte Congress Media Cell te chuan Rengkhawpui leh Vairengte Aw chanchinbu chhuak ah, 16/July/2022 khan arang lama siamtha tura nawrna Press Release alo tichhuak tawh a. Vairengte mipuite hi bawl mai mai theih kan ni nge, siam that tum niawm taka insawi reng si in, 20/December/2022 thleng pawha siam that chu sawi loh, a chhiat zual zêl zâwk avanga Vairengte mipuiten harsatna nasa tak an tâwk chho zual zêl leh, eng ti thei silo a Vairengte mipuite an rûm tlawk tlawk mai hi, Keini Vairengte Congress Media Cell te chuan na kan tihpui hlê a ni,” an ti.
Thuchhuahah chuan, “Kan Sawrkar hrawn mêk MNF Sawrkar hian, a ramchhunga Company pakhat lek pawh Control theilo/ngamlo khawpa, a mipuite harsatna a haider lui tlat hi a rilru nat thlak tak zet a. Hnam Party inti ten Vai Company Contractor te hi engvanga hlau tlat nge an nih? Hetih mêk lai hian MLA chak tak ti a MNF Party Worker ten hahip a an sawifo, Bialtu MLA hian a bial chhûng khaw kawngpui ( Mizoram life line) that theihna tur hian awka vawikhat tal hi a chhuah ngam ve dawn em? tih hi kan zawhna a ni bawk.
“Vairengte Thalai Pawl (VTP), Social Reconstruction & Enlightenment(SORE), MZP Sub- Headquarters, Vairengte ten, kawngpui chhiat lutuk tawh avanga Press Release hial siam a, Company te an inkhuarna hmuna kalchilh meuha nawr an ngai ta mai hi, Vairengte mipuiten harsatna kan tawh nasat tawh zia leh a haider theih tawh loh a ni tih hi, MNF Sawrkar hian lo hre mawlh rawh se.
“Vairengte a NGO hrang hrang MZP, SORE, VTP, ZDU, Joint YMA Vairengte te leh Serlui Group YMA ten, Kawngpui tha kan neih theihna atana hma an lo lak tawhna te leh an hmalak mêkna te hi, keini Vairengte Congress Media Cell te chuan a tâwp thlengin kan thlâwp tlat dawn a. Boruak tha lo zawk leh a chhe ber thleng lo turin kan Sawrkar hrawn mêk hian, Vairengte mipuite harsatna hi a ranglama rawn sukiang vat turin kan phût a, Company lam hian December 2022 ral hmaa hmalâkna engmah an nei lo a nih chuan, Vairengte Congress Media Cell chuan hmalâk chhunzawm zêl dân tur kan ngaihtuah dawn a ni,” an ti bawk.
