MZP Headquarters Mamit chuan zirlaite hmasawnna turin theih tawpin hma an la nia sawiin, “Tun hnaia Mamit DIET-a thawktu eng emaw zat sawnchhuah anni chu kan hrethiam lo hle a ni. Mamit DIET ah hian Lecturer
post 15 awm tur a ni a, hetih lai hian Lecturer zinga pali attached an ni a. Pathum hi Aizawl DIET ah Attached niin pakhat chu SCERT ah attached a ni a. atak ah chuan 11 chiah an awm a ni,” an ti.
MZP Headquarters Mamit chuan, “Hetiang a nih lai hian Sorkar chuan Transfer and Posting order tichhuak in Mamit DIET atangin Lecturer 1 chu anmahni thlaktu awm lovin transfer a ni leh bawk a, DIET Mamit ah hian Lecturer 10 chiah an awm tawh dawn tihna a ni.
“Hetiang anih avang hian MZP Hqrs Mamit chuan Lecturer post hnawhkhah loh te hi hnawhkhah thuai nise kan duh hle a, Tin, tuna Lecturer sawn chhuah panga (5) zinga pahnih tal hi attached in DIET Mamit a dah turin thuneitute kan phutin kan ngen nghal bawk a, an aiawh dah an nih dawn loh chuan Sorkar hian Transfer order pawh hi sut leh nghal vek se kan duh a, transfer order hi sut a nih loh chuan MZP Hqrs Mamit chuan a tawp thlengin hma kan la dawn a ni,” an ti bawk.