ZPM Thalai chuan, “Mizoram district hrang hranga DIET lecturer-te leh thawktu dangte chuan thla 6 chhung hlawh an la tawh lova, DIET-a thawkte an rilru a hahin, an mangang hle a ni,” an ti.
Vawiinah thuchhuah an siamah, “DIET zirtirtute leh thawktu dangte thla 6 deuhthaw hlawh la lova an awm hian MNF kaihhruai Mizoram sawrkârah zirna in ngaihsak a hlawh lohzia a târlang chiang hle a; chhuanlam dang siam lova DIET zirtirtute leh thawktute hlawh tâng zawng zawng tun thla tawpa pe chhuak tur leh thla dangah pawh a hun dik takah zirtirtute leh thawktute hlawh pe chhuak ngei turin MNF sawrkâr kan phut a ni,” an ti bawk.
