Digital payment kaltlang pawisa inpek a him ber : SLBC

Aizawl June 6 : Pawisa note hmangloa Digital payment kaltlang pawisa inpek a himbera, chutih rualin Mizoram ah chuan hetiang hmanga sum inpek tawnna duh anga kalpui ala ni rih lo.
Inrinnia Aizawl Press Club a thuthar lakhawmtute State Level Bankers Committee Mizoram hotuten an kawmna ah chanchinbumite zawhna chhangin Bank atanga pawisa note lakchhuah a nih a, pawisa chawi awm thin chungchang ah kumkhat chhunga Bank kaltlanga cheng nuai 20 chuang pawisa faia lak chhuah a nih chuan a za-a 2% an chawi (cut) tur a nih thu Chief Manager Credit Loan SBI Regional Office Lalmawizuala chuan a sawi a, hei hi Reseverved Bank of India RBI thupek anga kalpui a ni a ti. SBI Bank hotute chuan a theih hram chuan pawisa note hmang loa, Digital payment hmanga thil inlei leh inhlanchhawn chu a him ber nia an hriatthu an sawi a, chutih rualin Mizoram ah chuan a tam zawkin bazar a thil kan lei in pawisa note kan la hmang tam zawk nia hriat a ni a, hemi chungchang ah hian Bank hotute chuan Aizawl a Dawrkai lian zual AMC a inziak lut te Internet kaltlanga Digital payment kalpui thei survey an neih thu sawiin, dawrkai lian ziangah za-a 95% vel chuan Digital payment hmang hian pawisa dawn leh thawnchhuah an kalpui thei tih State Level Banker Meet Committee Mizoram hruaitute chuan an sawi a ni.
Tunlaia Internet katlanga pawisa inthawnna application hrang hrang te chu Bank hnuaia inziaklut an ni lemlo tih sawiin, SBI hnuaia awm Youno leh Bhim application te chu pawisa inthawn nan a him a, amaherawh chu application dang kan hmanlar mek Gpay ang te chu Bank hoin an hriatpui a nilo tih an sawia, Gpay hmangtute sum inthawhchhawn chungchanga harsatna an nei a nih pawhin Bank lamin an hriatpui loh thu State Level Banker Meet Committee Mizoram Co ordinator Lalnilawmia chuan a sawi bawk a ni.