Vawiin 10th October, 2022 (Monday) Dar 11:30 am hian BJP Mizoram Pradesh chuan Atal Bhawan ah karthar inhlanna hun neiin, Vanlalhmuaka State President in Member thar lawmluhna leh thusawina hun a nei a ni.
Vanlalhmuaka chuan, “BJP Mizoram Headquarters te chu Pu BL Santhosh, National GS leh Dr. Sambit Patra, NE Co-ordinator te rawn kalin Kum 2023 General Election lo awm tur ah, BJP in Sorkarna kan siam ngei theihna turin Office Bearers tihlen niin, kan insiam thar a. Tin, District ah pawh insiam that ngai a awm a nih chuan atul angin kan in siam tha zel dawn a ni,” a ti.
Vanlalhmuaka chuan, “BJP hi Mizoram ah kan ṭhang zel a, thingtlang lam mai nilo, Aizawl khawpui ah ngei mithar lawmluh pa 6 lai mai kan nei te hi alawm awm hle a ni. Aizawl khawpui a chengte pawhin BJP kan mamawh zia kan hre zel a, eichawp zawng leh kuthnathawk te, Sorkar hnathawk thleng hian tunah chuan kan mangang ta hle a, a chhan chu Mizoram sum dinhmun that loh vang a ni a, hei hian thingtlang lam thlengin anghawng a, kan tawrh phah mek a ni. Kan Ram in hma asawn theihna turin kan thawk mawp mawp anga, mirethei ten leirem kan rah theihna turin hma kan la zel dawn a ni. Tunah pawh Gas leh buhfai chheprel kan tihtawp avangin miretheite tan gas leh buhfai athlawna sem a ni ta te hi a hlu hle a, heng zawng zawng hi Central hmalakna ani a, a chhawrtu te chu Mirethei te te te kan ni,” a ti.
Vanlalhmuaka chuan sawi chhunzawmin, “Ram hmasawnna chanchinṭha hril turin Party Member te kan thawhchhuah nasat a ngai a, vawiina Member thar te pawh Development chanchin tha hril turin ka sawm bawk che u a ni. Kan zam tur ani lova, Central ah BJP kan Sorkar avangin Pu Modi-a hian Mizorama BJP te leh nakum inthlana BJP MLA thlan tlin turte hi mawi a tih ber tur te kan ni dawn a ni,” a ti bawk.
