Saitual, Hnahthial leh Khawzawl District ah te Land Revenue & Settlement department in a taka hna an thawh thei nanheng district pathum huamchhung khua a Land Pass chi hrang hrang leh guard file te chu heng district pianchhuahna district Office atangin District thar DC office ah hlan a ni.
Saitual district land records te chu Aizawl a Revenue Directorate leh Champhai SO office atang ten hlan niin heng records te hi Saitual DC office ah dah anni a. Hnahthial district land records te chu Lunglei district atanga dawn niin heng te hi DC Office ah lo dawnsawn ani. Champhai SO office chuan Khazawl leh Saitual district land records an kawl ang te chu heng district pahnih DC office ah te hlan fel ani tawh bawk.
LR&S Minister Pu B.Lalchhanzova chuan District tharah mipui ten Revenue department an mamawh a san zia hriain heng district pathum ah te hian Revenue department chu hna thawk thei tak tak tura thuam an tumna kal zel anih thu sawiin Land record in hlan phawt loh chuan mipui tan dawr theih annih loh thu leh land record te hi district hlui lamah thliar fel hna hautak zet mai chu thawktute inpekna zarah tihfel ani ta chu lawmawm atih thu a sawi. Minister chuan Revenue department hi India ram state dangah chuan DC enkawlna hnuaia awm ani a chu chu an chakna hnar pawh anih thu sawiin hei hi Mizoramah pawh kan kalpui tan mek ani a ti.
Pu B.Chhanzova chuan thawktu lam pawh District thar lamah hian dah belh zel annih thu sawiin abul tan nan tunah a teloa awm theih loh staff tlem a zawng , hna thiam te dah anni atia. Chief Minsiter Pu Lalduhoman Revenue Department a thawktu kan indaihloh dan hriain post hnawh khah an dil te chu engemawzat phalsak annih tawh thu sawiin. Heng hna te hi lak fel annih hunah district thar bakah district dangah te pawh thawktu tam zawk in dah theih thuai a beisei thu a sawi ani.aa
