Vawiin khan Minister of State Dr. K.Beichhua chuan Chief Minister hnenah Minister a nihna atanga banna a theh lut.
Amah Dr.K.Beichhua sawi danin, nimin chawhnu dar 4 vel khan CM hnen atangin banna thehlut tura tihna lehkha a dawng a. Lehkhaah hian CM in a cabinet te hna chanpual a siam danglam duh avangin a rang lama banna thehlut tura hrilhna thu a inziak tih a sawi.
Thuthar lakhawmtute zawhna chhangin, Dr. Beichhua chuan, “Hotute thu awih hi kan tih tur a ni e” tiin vawiin khan banna a thehluh thu a sawi a. Bang tura tih a ni hi MADC chungkaw buaina nghawng zel a ni em? tih thuthar lakhawmtuten an zawhna pawh, a chhan sawi fak tur a neih loh thu sawiin, “Hotute thupek kenkawh kawngah hian, rinawm lutuk leh thu awih lutuk hi, a tawrh ve theih a nih dawn hi tih hi ka ngaihdan a ni” a ti a. MNF party-ah awm zel a tum em tih zawhna chu, “MNF party-ah rinawm takin ka la awm mek a, hnawhchhuah ka ni lova, ka hmalam hun tur chu keima sawi theih a ni lova, ka bial mipui min thlang tute thu-a kal turah ka inngai” a ti bawk.
Dr. Beichhua hian heng department te hi a chan mekte an ni :
1. Social Welfare & Tribal Affairs Department
