Dr.Lalhriatzuali Ralte IAS, Deputy Commissioner, Aizawl District kaihhruaina hnuaiah “Nasha Mukt Bharat Abhiyaan (Drug Free India Campaign)” chu Aizawl District ah hmalak mek a ni a. Thalai-te a bik takin kum tlinglo (below 18 yrs) te zingah damdawi ruihtheih hmansual a hluar hle ni a hriat a ni a. Hemi kawnga hma la turin Aizawl SP Chairman-na hnuaiah Task Group din ani a. Task Group te hian kawng hrang hrangin hma an la mek a ni.
Nimin khan Pu Lalruaia Aizawl SP leh Task Group Chairman ni bawk kaihhruaina hnuaiah Task Group te chuan Damdawi dawrah Inspection an nei a. Group pathum (3) ah inthenin Aizawl khawchhung hmun hrang hrang Damdawi dawr (118) te fang kualin Damdawi ruihtheih chi kum tlinglo (below 18 yrs) hnenah hralh lo tur leh Doctor prescription tel lova damdawi a bik takin ruihtheih chi ho chu pechhuak lo turin an ngenin an hriattitr bawk a ni. Lo tilui emaw, hralh ching an awm a nih chuan an chungah action lak a ni ang a, an License thlenga cancel theih a ni ang.
Task Group te hi, Mizoram Police, Excise& Narcotics Department, Food & Drugs Department, School Education Department, Social Welfare & Tribal Affairs Department leh Mizoram Chemist & Druggist Association atang te a kalkhawm an ni.
