Vehicles details-ah mobile No., a neitu number ni si lo tam tak a awm tih hriat a ni a. Hei hian motor neitute biak pawhna kawngah harsatna a thlen thin avangin, April ni 15, 2025 atanga thla ruk chhungin motor neitu zawng zawngten an motor registration-a phone number leh an Aadhaar-a phone number inang veka dah tur a ni. Hemi chhung hian Vahan portal chuan eng motor pawhin Pollution Certificate a lak dawnin mobile number dik lo/nung lo a nih chuan SMS-in motor neitu numberah update-na tur link a pe thin dawn a. Hemi hmang hian motor neitu zawng zawng ten Director (MVL), Ministry Of Road Transport & Highways duh dan angin an phone number update vek turin Serchhip DTO chuan a hriattir.
Aadhaar authenticated mobile number hmang lo chuan Pollution Certificate lak theih loh a nih dawn avangin motor neitu zawng zawng ten ngai pawimawh tura hriattir an ni.
