Vawiin ni 15.10.2022 (Inrinni) khan ADVA Season Opening 2022-2023 Final Aizawl West Joint YMA Multipurpose Sport Complex, Vaivakawn-ah khelh a ni a. He hunah hian Dr. Lalmalsawma Nghaka, MVA President chu khuallian a ni.
Dr. Lalmalsawma chuan tun hnaiah Volleyball Player te leg a enkawltu, mahni sum leh tha sengsova in pe te zarah Mizoramah Volleyball in mi ngaihven nasa takin a hlawh a, hma nasa takin a sawn, a tih sawiin, run hnaiah Tournament tam tak a awm a, heng atana sum leh pai, tha leh zung tam tak senga buaipui a nih angin Tournament hi hlawkpui lova hman liam mai mai a uiawm a. Rahbi thar kaina tura hkan thiam a pawimawh a ni, a to
Dr. Lalmalalsawma chuan, Hlawhtlinna tak tak sual chhuak si lova vanglai hun tha khawhrala thamral a pawi tih sawiin, Hlawhtling turin theihtawp chhuah a tul thu sawiin, mi hlawhtlingte hi an thawhrimna leh taimakna vang a ni. Thawhrimna tel lovin vanneihna leh malsawmna a neih ngawt thei loh, a ti.
Infiammite chu intihhlimna ni satliah anga ngai loa, eizawnna tham khawpa hlawhtlinna chamg tura rim taka thawka, thil tha lo laka in sum tura fuihin, Dr. Malsawma chuam, Veng leh khaw aiawh duhtawk lova India ram aiawha khawpa khel thei tura rilru sang pu turin player leh enkawltute ka ngen che u a ni, a ti bawk.
ADVA Season Opening 2022-2023 ah hian mipa team – 8 telin Hlimen Volleyball Club leh Armed Veng South volleyball Club ten an khel a, hmeichhe team – 7 telin Thuampui Volleyball Club leh GSA ITI Veng ten an khel a, Khuallian Dr. Lalmalsawma Nghaka, MVA President chuan District Volleyball Association hnenah a tul apianga an hman turin tangka fai a pe bawk.
