EF&CC bultumin ASEP-in thingphun hnatlang a nei

Environment, Forests & Climate Change Department bultumin ASEP chuan vawiin khan Reiekah Green Mizoram Awareness Campaign leh Thingphun hnatlang an nei.
He hunah hian ASEP Gen. Headquarters, Aizawl atangin hruaitute leh member eng emaw zat an thawk chhuak a, zirlaite zingah awareness campaign neiin, thingphun hnatlang neih zui nghal a ni a. Covid pandemic laia ASEP-in Eastern Himalaya Range huam chhunga environment humhalhna kawnga thawk tha award an dawn Balipara Foundation Award chu lawmna hun hmang nghalin, tlaiah Green hills restaurant-ah zanriah kilhona hun an hmang a ni.
ASEP President K. Lalmuansanga chuan Green Mizoram Day thupui “Thingphun la, tuihna siam rawh” tih ang hian tui lama harsatna kan tawh mek sutkianna tha ber leh tuihna siampunna tha ber chu ramngaw humhalh leh thing phun belh hi a ni a.
Hmasawnna ngelnghet leh ziktluak kan neih theih nan kan ramngaw leh nungchate kan humhalh a, a theih anga tam thing kan phun belh sauh sauh zel a tul a. Phun belh satliah mai ni lo va, a enkawl puitlinna kawngah theihtawp kan chhuah a tul a ni, a ti. Heng thin phun tharte hi Reieka ASEP member Lalsangpuia chuan a puitlin ngei theihna turin a lo enkawl zui dawn a, ASEP pawhin a enkawlna puitlinna kawngah a theih ang anga thawh leh sum leh pai sen ngaite a ngaihtuah zel thung dawn a ni.