Melriat khawtlang chuan P&E Minister hnenah ziakin an lungawi loh thu an hriattir a. an lehkhaah chuan, “Power & Electricity Department hnuaia 132 KV Power Sub Station Melriat atanga Power dawng tur a tih, tun thlenga pek kan la ni lo hi a lungawithlak lo hle a, hemi chungchang ngaihtuah hian dt. 10.08.2022 zan khan VC leh NGO te chuan Joint Committtee hetiang hian hian Resolution siam a ni a. Kan lungawi lohna te min hriatthiam saka kan mammawh te a rang thei ang bera min tihhlawhtlin sak ngei kan beisei,” tiin a hnuai a mi ang hian resolution an siam.
“132 KV Power Sub Station hi Melriat khawtlangin ram a pek avanga August 2006 ah hnathawh tan a ni a. Hna thawh tan a nih atanga kum 10 ral hnu dt. 14.12.2016 @ 2:00 pm ah hawn a ni. He Power Sub Station atanga power hmuh theih nan hian khawtlang hruaitute pawhin vawi tam tak nawr tawhin Sawrkar Department lam pawhin power pe turin an lo tawng tiam tawh thin a. Hetianga in tawngtiam reng chunga tun thleng (10.08.2022) a power min la pe lo hi Melriat mipui chuan thinrimthlak kan ti hle a. VC leh NGO te ni 10.08.2022 zan a Joint Meeting chuan August,2022 ral hma a ban leh hrui awm sa vek tawh 11Kv atanga power supply min pe thei lo a nih chuan he power Sub Station ah hian eng pawh thleng se, sawrkar leh department mawh a ni ang.”
