BJP Mizoram chuan “Black Day Of the Indian Democracy: 25th June, 1975 Declaration of National Emergency” hriatrengna hun hmangin Pu VL Awia, State Secretary-in inkhawm a kaihruai a, Pu P. Sanghmingthanga, State Secretary-in Black Day chungchang sawina hun a nei a ni.
Pu P Sanghmingthanga chuan, ” ‘EMERGENCY BLACK DAY’ champha dik tak chu 25th June ni mahse ‘Sunday’ a nih avangin Keini State ah erawh vawiin hian hre ni hriatrengna hun hi hman a ni thung a ni,” a ti.
Pu Sanghmingthanga chuan, “Indira Gandhi kaihhruai Congress Party-in Kum 1975, June 25-a, Emergency a puan avangin India ram Politics chu nasa takin a buai a, Central leh State ah Opposition hruaitu a huat zawng leh hnawk a tih zawngte chu Indira Gandhi chuan a man khawm a, Democracy dan kalhin ro a rel a, amah do tu a hriat te chu Jail ah a khung ta mai a ni, e
Emergency avang hian mipui tam takin an tuara chu an tawrhna chu a pawi takzet a, hetiang thil thlenna a bultumtu Indira Gandhi leh a kaihhruai Congress Party te hi ram hmangaihtu ni lovin mahni hmasial taka che ṭhin te awm dan a ni a, Tin, Mizo zingah pawh India rama Emergency puan a nih avanga jail tang te pawh an awm hial a ni,” a ti.
Pu P Sanghmingthanga chuan sawi chhunzawmin, “tunah chuan India ram mipui te’n rilru thar kan lo pu ta a, thil diklo taka ti tu te chu tun ah chuan mipuiin kan hnawl ngam ta zel hi a lawmawm hle a, heng mi te hian an tuh rah an seng mek a ni,” a ti bawk.
Inkhawm ah hian Member-te aṭangin thusawi ngaihthlakna hun neih a ni bawk.
