Vawiin May ni 16 (Zirtawpni) 2025 Congress party in political session Congress Bhavan Golden hall a neih chu Pu Rohluna Gen.Secretary MPCC, ex Minister in a kaihruai a. Pu John Rotluangliana Adviser, MPCC ex minister in thu a sawi.
Pu John Rotluangliana chuan, “ZPM sawrkar chu min enchhin rawh u, an ti a, mahse enchian an dawl lo,” a ti.
“Engvangin nge ZPM hi an sawrkar rikngawt le kan tih chuan MNF sawrkar kha a tenghneng lutuk a, an thutiam an ti lo vek, SEDP nuai 3 sem tih te, chakai farm tih te engmah hlawhtling a awm lo. CM thusawi thiam em em mau chin te pawh a hlawk lutuk ang a, IAS bansan duh hial te pawh an awm ang ti kan nei thin a. Chu mi duh lo chuan la sawrkar ngailo, min enchhin rawh u ti ZPM chu mipui in an sawrkar tir a. Mahse a hma CM aimah in thil a sawi nasa ta zawk. Kan danglam bik dawn ti ZPM, Kum khat leh thla 5 an sawrkar chhunga danglam awm chhun chu Chief Minister hmel chiah hi a ni,” a ti.
“Tunlaia kan buaina ber ruihhlo ngaite enkawlna chungchangah te pawh tuna kan CM hian an sawrkar hma khan UN hriatpuina in Community Healing Centre kan din ang a lo ti leh hman daih tawh. Tunlai ah social media ah an dawt sawi te hi en mai theih in a awm reng tawh thin si a. ZPM leh MNF te social media ah an dawtsawi tawh sawi mam tumin an inbei a. Keini Congress chu kan puten dawt an sawi ve ngai loh vangin kan kel e awl der. Puk tirtur a koh inti ZPM sawrkar hian vbc 3000 chuang an puk tawh. An koh lohna lamah an kal zel. An sawrkar tirha Sakawrtuichhun kawng restricted tender an tih zet, a hnu a an party hruaitu a thawh tir pawh tunthleng in an la zo lo,” a ti.
Pu John a chuan, “Mipui in ZPM sawrkar enchhin hi an duhtawk der, MNF lah chu an President a phur deuh a, chhim tawp thlengin tunhnaiah a va zin, a phur poh leh a thawhpui te an phur lo thung, chuvangin Congress party ram rotling tam tak lo siam tawh party bawk hi kan sawrkar leh dawn. Pu Lal Lal Thanhawla term 5 sawrkar pui tawh hian Pu Lal Thanzara hi kan sawrkar pui leh dawn a ni,” a ti bawk.
