Environment humhalhna kawnga thawk thate chawimawi

The Association for Environmental Preservation (ASEP) Gen. Hqrs. Aizawl chuan vawiin khan The Lushai Hills Residency, Zarkawtah environment humhalhna kawnga thawk tha chawimawina hun an hmang a. Hemi rual hian Planning & Programme Implementation Department bultum Sustainable Development Goals (SDGs) Campaign Kick Off na hun an hmang nghal bawk a ni.
He huna environment humhalh kawnga thawk tha chawimawina hlante chu:-
(1) Lalsangpuia, Reiek. Ani hi thingphun leh nungcha humhalh kawnga theihtawp chhuahtu a ni. (Green Award trophy + Rs. 10,000/-)
(2) Romalsawma, Mission vengthlang. Ani hi tlawng lui dung tluan mahni chauhva zawh chhuaktu a ni. (Environmental Conservation Award trophy + Rs. 5,000/-)
(3) C. Lalduhawma, Durtlang. Ani hi Environmental campaign clip 200 chuang mipuite zirtir nana siamtu a ni. (Chawimawina thuchei + gift)
He hunah hian ASEP President K. Lalmuansanga chuan thusawina hun hmangin ASEP chuan environment humhalhna kawnga thawh hlawkte hi an chawimawi thin thu leh tuna chawimawi takte hi an thawhrimna avanga phu takte an ni, a ti a. Tin, United Nations Programme pawimawh tak Sustainable Development Goals (SDGs) hi environment nena inkungkaih em em anih avangin ASEP chuan theihtawpin campaign a kalpui chho dawn bawk a ni, tih thu a sawi bawk.