Estimate ang thlapa hnathawh a nih thu sawi

Mizoram Lagislative Assembly session neih mekah Starred Question 164-Na, Rural Developmet Department chungchanga Pu C Ngunlianchunga zawhna chhangin , Department Changtu Minister Pu Lalruatkima chuan Kum 2018-19 BADP hnuaia Bungtlang RD Block hnuai , Mautlang Water Supply hna chu thawh zawh a la nih loh thu leh , tui pipe lei fel tawhin Mautlang ah dah a nih thu house a hrilh a. Mautlang khua ah hian Solar Water Supply Project lian zawk BADP hnuaiah a thara kalpui mek a nih avangin , project zawh hunah Project thar tih changtlun nan Mautlang Water Supply chu hman a nih tur thu house a hrilh a. Hei bakah hian Mautlang Water Supply hna chu BDO Bungtlang South enkawlna hnuaiah thawh a nih thu a sawi a ni. Pu C Ngunlianchunga , Pu Lalrintluanga Sailo leh Pu Zothantluanga te zawhbelhna chhangin Pu Lalruatkima chuan Reiek BDO Office chu sak that tur zingah a lo telh tur thu a sawi a. Mautlang Water Supply hna atana pipe lei sa chu hnathawktute nen inremsiamin Solar Water Supply Project atan hman rih a nih thu a sawi a. Hei bakah hian Nghalchawm a Departmnet in Lei a dawh na-ah dik takin estimate ang thlapa hna thawh a nih thu House a hrilh a ni.