Vawiin khan Mizoram Ex-Services Leaque chuan Vanapa Hall ah khawmpui vawi 34-na hmangin, chawhnu lama an rorel inkhawm a an ngaihtuah zinga pakhat, “Mizoram sorkar hnalaknaa Ex-Servicemen te Reservation chungchang” tih chu High Court-ah petition thehluta kalpui nise an ti.
Hetih lai hian chawhma lama an khuallian Home Minister Lalchamliana chuan Mizoram sorkar in Ex-Service te chu a duhsak thu leh, Police an lak turah pawh seat 5% a hauhsak thu leh, Home Gourd atanga Police a lut turte tan pawh sorkar chuan ngaihtuahna thui tak sen tawh laiin Covid hripuiin harsatna a siam sak thu a sawi a. Sorkar chuan hei hi ti hlawhtling turin hmalakna a kalpui mek a ni a ti.
Home Minister chuan, “Sipai tan hi mahni, chhungkua leh khawtlang tan thiltha a ni,” a ti a. “Sipaite hi ram leh hnam humhintu an nihna piah lamah chhungkaw chawmtu leh khawtlang tan mi tangkai an ni a. Mizo zinga IAS leh sawrkar hna lian dang thawk zingah sipai fa an tam hle a ni,” a ti bawk.
Assembly hi Lt.Col. ZS Zuala, vice president MESL in a kaihruai a, chawhnu lamah rorel inkhawm hi MESL president Lt.col Clement Lalhmingthanga’ n a kaihhruai a ni.
