Excise & Narcotics Department chuan Pathianni tlai dar 4:10 khan World Bank Road, Sialsuk leh Sailam inkarah heroin thahnem tak leh a neitu a puh an man.

Excise & Narcotics Department te hian an thudawn bawhzuiin,
Heroin No. 4 gram 504 (Hawng
40) leh a neitu nia puh mi pahnih – Evy Lalramhluni kum 31,
Venghlun Thenzawl, leh Vanlalzapi kum 40, Thenzawl nia
inchhalte chu an man.
Hemi kaihhnawihah hian Pathianni zan dar 7:33 khan Thenzawl
Venghlun-ah heroin gram 24 (Hawng 2) chu Ivy Lalramhluni leh Vanlalzapi
te hnen atang tho hian man leh a ni.
Excise & Narcotics Department-in 12th December, 2021 (Pathianni)-
a heroin an man zawng zawng hi gram 528 (hawng 42) a ni. Heroin vanga
mante hi The Narcotic Drugs & Psychotropic Substances Act, 1985
tlawhchhana thubuai siamsak an ni. Heng dan bawhchhetute hi thiamloh an
chang a nih chuan Kum 20 thleng lung in tan bakah pawisa fai, cheng nuai
2 thleng chawitir tela hrem theih an ni.