Excise & Narcotics Department chuan 4th March, 2023 (Inrinni) zan dar 6:30 khan Sailiam, Serchhip leh Mat lei-ah Heroin gram 56.450 (Hawng 4) leh a neitu nia puh mi pali – Lalzarmawii (28) D/o Lalhmingliana (L), Thenzawl Bazar Veng; Lalrinawma (39) S/o Lalchungnunga, Khawbung Pathian Veng, tuna Zokhawthar-a khawsa mek; David Lalremruata (30) S/o Zothanga, Vanapa Section, Zokhawthar leh Lalzuimawia (24) S/o Liankhuma (L), Vanapa Section, Zokhawthar-a khawsa nia inchhalte chu an man.
Excise & Narcotics Department te hian 6th March, 2023 (Thawhtanni) chhun dar 11:00 khan Serchhip Chhim veng-ah Heroin gram 11.930 (Hawng khat) leh a neitu nia puh – Lalruathlua (24) S/o Zohmangaiha, Serchhip Field Veng-a khawsa nia inchhal an man bawk.
6th March, 2023 (Thawhtanni) vek, chawhnu dar 2:30 khan Serchhip Kikawn, Irrigation Complex bulah heroin gram 270.070 (Hawng 21) leh a neitu nia puh – Lalnunhlima (32) S/o Hrangthankima, New Serchhip, Luiralmawi-a khawsa mek nia inchhal chuh an man bawk.
Heroin vanga mante hi The Narcotics Drugs & Psychotropic Substances Act, 1985 (NDPS Act) tlawhchhanin thubuai siamsak an ni.
Excise & Narcotics Department hian kumin Kumin chhungin Heroin Kg 6 & gram 182 an man tawh a ni. Kumin chhungah District hrang hranga Excise & Narcotics Department-in heroin a man tawh dan hetiang hi a ni a, Mizoram hmun hrang hrangah ruihhlo hi a darh zel avangin a dap chhuah leh ruihhlo vanga dan bawhchhiate manchhuahna tura thawktute tawiawm zel turin mipuite ngen an ni.
