Central Training Institute (CTI), Sesawng-ah vawiin khan Excise & Narcotics Department atanga Basic Training Couse bei mi 51 (mipa 46 leh hmeichhia 5) te chuan Passing-Out Parade an nei. Training chhuakte hi Inspector mi 4, Driver 2 leh Constable 45 an ni.
Excise & Narcotics Department Basic Training Passing-Out Parade hi K.T. Beicho, IRAS, Commissioner & Secretary to Govt. of Mizoram, Excise & Narcotics Department chu Chief Guest niin he hun hi a hmanpui a. Training chhuakte fuihin, “Sawrkarin ram leh hnam leh mipui tana hmasawnna a duan Policy tihhlawhtlin a nih theihna tura thawk tura beisei an ni a; ruihhlo dona kawnga theihtawpa mipuite leh NGO nen thawhhona tha tak neia thahnem ngai taka thawk tur an ni” tiin a sawi.
Excise & Narcotics Department Basic training (10th Batch) passing–out parade-ah hian training laia mimal ti tha heng mite hnenah hian hetiang hian lawmman sem a ni:
1. Best Turn-out – Samuel K. Vanlaldika (Constable)
2. Dest in Discipline – Ramtharmawia (Constable)
3. Best in Drill – Joseph Ramthanzauva (Constable)
4. Best in Shooting – David Malsawmtluanga (Constable)
5. Best All-rounder – Lalhmingtani (Constable)
Training chhuak tate hi an thawhna tur hmun an pan nghal ang.
