Excise & Narcotics Department chuan 14th July, 2023 (Zirtawpni) khan an
thudawn bawhzuiin Saichal khaw bulah ruihhlo phur nia rinhlelh changing an duty a. 14th July, 2023 (Zirtawpni) chawhnu dar 2:15-ah chuhan an rilnhlelh motor pahnih – Bolero (Regn No AR02 M-0543) leh Grand Vitara Car (Regn No TR07F-0451) te chu hmuin an um a. Heng lirtheite hi an tihdin hnuah lirthei atang hian heroin Kg 5 & gram
114 (Hawng 436) chu an man a. He lirtheia chuang, heroin laknaa inhnamhnawih mi 2 – Jahir Alam (23) s/o Jamir Hossain, Ashabari, Kalamchowra P/S, Sepahijala District,
Tripura leh Maram Miah (32) s/o Abbas Miah, Pandabpur, Antali P/S, West Tripura nia inchhalte chu manin an lirthei te pawh hrensak nghal an ni.
Excise & Narcotics Department chuan he case hi an chhui zelnaah 14th July, 2023 vek, tlai dar 4:30 khan he thubuaia inhnamhnawih nia puh heng midang panga – Lalngilneii (44) d/o Darchungnunga leh Zoramchuana (49) s/o Chalhnuna (L), Hnahlan, Champhai District, tuna Chaltlang Lily venga khawsa mek, Vungkhanthawma (23) s/o Tualngaihthanga (L), Champhai Vengthar, Tlangnuam; Amir Hussain (31) s/o Jamir Ali, Madhya Boxanagar, Boxanagar Dist, Tripura; Sukanta Karmakar (35) s/o Narayan Karmakar, Champak Nagar, Jirania District, Tripura nia inchhalte hi an man belh leh bawk a ni.
Heng heroin mante hi Myanmar atanga lak, State danga hralh tur a ni.
He heroin mannaah hian Excise & Narcotics Department chu 2nd Assam Rifles te nen an thawkdun a ni.
.
Heroin vanga mante hi The Narcotics Drugs & Psychotropic Substances Act, 1985 (NDPS Act) tlawhchhanin thubuai siamsak an ni a, 15th July 2023 khan Court-ah hruai nghal an ni. Heroin vanga mante hi thiamloh chantir an nih chuan Kum 10 atanga kum 20 thleng Jail tantir leh pawisa ` 1,00,000 atanga ` 2,00,000 thleng chawitir bawka hrem theih an ni ang.
