Vawiin July 4, 2022 (Thawhtanni) dar 11:00 khàn Former Legislators Association of Mizoram (FLAM) hruaitute leh PC Party hruaitute PC Party Office Treasury Square-ah an inkawm.
FLAM hruaitute hian Mizoramah inthlanna thianghlim leh tha kan neih theihna tura hma lakna chak taka an kalpui mek thu an sawi a. Political party, kohhran leh tlawmngai pawlte nena huam zau zawka thawh ho a tul thu uar takin an sawi bawk.
PC Party pawhin FLAM hma lakna tha an tih thu te, an thlawp thu te leh rawtna leh ruahmanna tha zawk an siamte pawmpui an inhuam thu te an lo sawi ve a.
Vawiina FLAM hruaitute PC Party hruaitute kawma lo kalte hi: Dr. JV.Hluna Vice President, Pu John Rotluangliana Gen. Secy., Pu Rochunga Ralte Treasurer, Pu TC. Pachhunga Gen.Secy, Pu K.Liantlinga Gen.Secy te an ni.
Vawiina FLAM hruaitute leh PC Party hruaitute inkawmna hi Pu Vanlalruata PC Party Sr.Vice President-in a kaihruai a ni.
