Aizawl May 7 : Fostering Climate Resilient Upland Farming System in the Northeast (FOCUS) project hnuaia A.H & Vety. Department, Champhai ruahmannain vawiin khan District chhunga khua leh veng hrang hrang 45 atanga Ar vulh tura thlan beneficiary mi 300 te hnenah tanpuina sem chhuah a ni.
Hamthatna dawngtute hnenah hian FOCUS project hnuaia Rural Backyard Poultry Farming kaltlangin Rainbow Rooster Ar note 20 theuh, a chaw, a chaw pekna leh tui peknate sem chhuah a ni.
Ar note hlanna hun DVO Pisa tuala neih hmanpuitu Dr. B.Lallawmsanga, District Animal Husbandry & Veterinary Officer (DAH&VO) Champhai chuan FOCUS Project hnuaia Ar vulh tur dawngtute chu vulh pung deuh deuh tur leh hlawkpui thei tura ngaihtuahna senga tan la theuh turin a chah a. Tanpuina te a sem chhuak a ni.
Ar note te hi an hriselnate ngun taka enfiah a nih hnuah a dawngtu turte hnenah hlan a ni.
