RB Lalmalsawma, President NSUI Mizoram chuan vawiin khan presstatement siamin, “Forest (Conservation) Act 1980 kan hmanlai hian Mizoram-a ramngawte min humhalhsak that em em lai hian ni 29-03-2023 khan EF&CC Minister Bhupender Yadav Chuan Lok Sabha-ah bill thar Forest Conservation Amendment Bill 2023 chu pulut a, Joint Parliamentary Committee ngaihtuah tur a dah in, a bill draft hi pawm a ni a Lok Sabha Parliament Monsoon Session ah hian pawm a lo nita a ni . He bill chungchang ah hian Mizoram Sorkar ngaihdan leh duhdan hi Mipui te hriat ah NSUI Mizoram State chuan puangzar turin a phut tlat a ni.
“He bill hian international boundary atanga km 100 huam chhungah chuan kan bill neihsa hmanga ramngaw kan humhalh theih na dan a rawn thiat vek tawh dawn a , kan ram leilung pumpuiah BJP Sorkarin thuneihna min chhuhsak a tum mek ni in NSUI Mizoram te chuan kan ngai a ni.
“He dan thalo tak mai hi Mizoram leh Mizo Hnam tan a thil thalo tak a nih a vangin NSUI Mizoram te chuan a tawp thlengin kan do zel dawn a, Mizoram Mipui, NGO hrang hrang leh Mizoram Sorkar ngei pawh hian kan ram tan a himlo chu do tlang zel turin ka sawm bawk che u a ni,” tiin a tarlang.
