Dr. Lalhriatzuali Ralte, IAS, Deputy Commissioner, Aizawl kaihhruainnain vawiin khan Workshop on Good Governance Initiatives/Practices in Aizawl District hman a ni. He hunah hian Aizawl District a department hrang hrang ten mipui rawng an bawlna presentation in tarlan a ni a. Hei bakah hian Labour, Employment, Skill Development and Entrepreneurship (LESDE) Department, Traffic Police, Aizawl leh DC Office, Aizawl atangin an department bil hmalakna presentation thlir ho a ni bawk.
He hunah hian District Officer te bakah, College leh University hotute sawm an ni a. Aizawl Bawrhsap lo ni tawh pahnih – Vanhela Pachuau, IAS Retd leh C. Ropianga, IAS Retd ten he hun hi hmanpuiin, thusawina an nei a ni.
