Youtube-a an ramhuai zawnna dah thin (ghost hunter) channel pakhat chuan video an siamnaah thlam pakhatah mitthi an hmu a. Vanlalzawma (kum 55), Rahsi Veng, Lunglei, PHE Department-a driver hna thawk thin a ni tih finfiah a ni.
Ruang hmuhna hmun hi Dihmunzawl, Aizawl chawmtu tui pump na Tlawng Lui bul niin, ruang hi thlam chhungah hmuh a ni. Video siamtute hian police an hriattir a. Forensic Science Laboratory-a mithiamte chu ruang chharna hmunah hian kalin, ruang hi an khaw lamah phurh phei a ni.
