India ram hmundang te rualin vawiin khan Raj Bhavan, Mizoramah Constitution Day 2022 puala inkhawm neih a ni a. He hunah hian Governor Hari Babu Kambhampati chuan a ruala Preamble to the Constitution of India chhiarchhuahna hun a kaihruai a ni.
Constitution Day hi kum 2015 khan Prime Minister Narendra Modi chuan Dr BR Ambedkar lim a hawnnaah kum tina hman turin a lo puang a. He niah hian khua leh tui te chu India Danpui chungchanga inzirtirna nei thin tur leh India danpui min siamsaktute zahna lantir thin tura beisei kan ni. Kum 1949, November 26 khan the Constituent Assembly chuan India Danpui hi a pawm a, khua leh tui te tan a lo hlan a ni.
Kumin Constitution Day atan hian thupuiah, “India : The Mother of Democracy”, tih chu hman a ni. India sawrkar chuan vawiinah hian khua leh tui te tan Preamble to the Constitution of India chu Online kaltlang chhiarchhuah turin Official Language 22 leh English in webite: readpreamble.nic.in ah a chhawp chhuak a. Online Quiz – The Mother of Democracy ( constitution.nic.in) intihsiaknaa tel turin khua leh tui te a sawm bawk a ni.
