Larsap Dr Hari Babu Kambhampati chuan Chakma Autonomous District Council (CADC) chu Governor’s Rule-ah a dah.
Nimina District Council and Minority Affairs department-in hriattirna a chhuahah chuan CADC-ah hian sorkar ngelnghet a awm thei lova. An inpaihthlak tawn sek avang leh hetianga sorkar ngelnghet a awm hleih theih loh avang hian CADC chhunga cheng mipuite’n an tuar niin a tarlang a. Buddha Lila Chakma chu Chief Executive Member aţanga a ban hnu-ah Rasik Mohan Chakma chuan tun CADC term 10-na dinglai meka CEM 6-na ni tura sorkar a siam theih thu Larsap a hriattir leh tawh a. Hei bakah hian recruitment rules awm lova CADC hi kalpui a nih avangin thil fel lo tam tak a awm bawk a ni, a ti.
CADC thuneihna zawng zawng hi Larsap chuan a laksak vek a, a aiawhin Lawngtlai district bawrhsap chuan CADC hi a enkawl rih dawn a ni.
