Ni 24th January 2025 hian Govt. Hrangbana College a Department of Political Science, Public Administration leh Electoral Literacy Club ṭangkawp te chuan National Voter’s Day, 2025 an hmang.
National Voter’s Day hi January ni 25 ah India ram puma hman ṭhin a ni, kum 2025 ah hian Inrinni a nih avangin vawiin a hmang an ni. He hun hi Dr. Marie Zodinpuii, Associate Professor, Department of Public Administration in kaihruai in, Dr. H. Lalzuithangi, Associate Professor, Department of Political Science in keynote address a pe a, Dr. H. Lalzuithangi chuan kum 2025 hi Election Commission of India kum 75 tlinna a nih thu sawiin, India rama vote nei zawng zawng hi tunah vaibelchhe 99.1 niin, ṭhalai kum 18-29 inkar vote nei India ram pumah vaibelchhe 21.7 awm in, India ram chu khawvela Democracy lian ber ni satliah lovin ṭhalaite hmakhua ngai tak ram a ni, a ti.
Hrangbana College zirlaite chu election apiangin vote thlak turin a ngen bawk. National Voter’s Day hi kum 2011 a hman ṭan niin, kumin National Voter’s Day thupui chu “Nothing Like Voting, I vote for sure” (Vote thlak tluka ṭha a awm lo, Vote ka thlak ngei dawn) tih a ni.
He hunah hian zirtirtu leh zirlai kalkhawm ten thutiam neiin, Electoral Literary Club incharge Miss Lalhruaitluangi’n a kaihruai a. India ram in pumkhatna vawng tur te leh sakhua emaw hnam emaw avanga hleih nei hauh lova vote thlak zel tur in thutiam an nei.
Zirlai kalkhawm te hi Mizoram a Local Council leh Village Council , february 12, 2025 a inthlanna neih tur ah thutiam tir an ni bawk.
