Information & Public Relations Department leh Mizo Photographers’ Society tangkawp chuan Mizo Photographers’ Society kum sawm tlin pualin World Photography Day, Ni 19 leh ni 20 August, 2022 chhung hian a duh a piang tel theihna Grand Photo and Photo Gear Exhibition, Millenium Centre Atrium ah an buatsaih a, he hunah hian R. Lalngheta, President CYMA chu khuallian niin he exihibition hi a hawng a, khuallian hian mizo thalaite tan thlalak hi eizawnna tling a nih zia sawiin Mizo thalaite ruihlo laka fihlim a, ruihlo dona kawnga tan la deuh deuh turin a ngen a ni.
He exhibition ah hian thlala thiam mi 65 te thlalak mawi tak tak 190 pho chhuah a ni a, hemi rualin mizo thlalatu hmasa te thlalakna hmanraw hlui hrang hrangte a duh a piangte en tura pho chhuah tel a ni bawk.
