Excise & Narcotics Department chuan 13th February, 2024 (Thawhlehni) khawvar hma, dar 4:30 khan Khatla, Aizawl, Tennis Court bulah Heroin Kg 3 & Gram 642 (Hawng 300) leh a neitua puh mi pathum – Nangzagina (50) S/o Sawngnanga, Vanapa Section, Near AG Church, Ngur Khua, Champhai District; Roluahpuia (53) S/o Thanzama (L), Khuangchera Section, Vengthar, Ngur Khua, Champhai District leh Faizur Rahman Barbhuiya (39) S/o Mujamil Ali Barbhuiya, Bagha Bazar, Loknathpur, Cachar, Assam nia inchhalte chu an man. Heroin phurhna atana hman TATA 207 (Regn No. MZ04 A-1428) pawh hrensak nghal an ni.
Heroin hi Myanmar atanga lak, State danga hralh tura phurh kual mek a ni.
Heroin vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni a, Court-ah hruai nghal an ni. Heroin vanga mante hi Court-in thiamloh a chantir chuan Jail-ah kum 10 atanga kum 20 thleng tangin pawisa cheng Nuai 1 atanga Nuai 2 thleng chawi tira hrem theih an ni ang.
