ZokhawtharPS (Champhai District) team te chuan tum hnih ngawt hlawhtlinna an hmu.
Ni 15.9.2022 khan Melbuk khaw dai velah lirthei te an enfiah kual a. A hmasaah chuan Zokhawthar atanga Aizawl pan tur lirthei (sumo) pakhat, Biaklala (30) s/o Vanlawma, Bawngkawn, Aizawl khalh lai atangin heroin gram 55 (hawng 4), international market-a ₹ nuai 27.5 man chu hmuhchhuah a ni.
Tin, a dang lehah Zokhawthar atanga Aizawl pan tur lirthei dang (sumo), Lalthankunga (33) s/o Tlangchhunga of Sesawng, (tunaThuampui Aizawl-a awm mek) khalh lai atangin heroin gram133 (hawng 10), international market-a ₹ nuai 66.5 man chu man a ni leh bawk a ni. Heng ruihhlo mante hi an pahnih hian sound woofer box chhungah an thukru ve ve a ni.
