BJP Mizoram chuan vawiin 29th May, 2023 (Monday) Dar 11:30 am hian Karthar Inhlanna leh Political Session neiin, Lallianzela, President BJP Aizawl District-in inkhawm kaihruaiin, VL Awia, State Secretary-in hunserh a hmanga R. Vanramchhuanga, State Vice President-in thusawina hun a nei bawk.
R Vanramchhuanga chuan thusawiin, “BJP hi Mizoram ah Mizoram siam ṭhatna turin kan ding a, Hindu BJP kan nilova, Kristian BJP kan ni tih hi Mizoram mipui hriat ah ka sawi duh a ni, ” a ti.
R Vanramchhuanga chuan, “Mizoram ah hian BJP kan din chhan chu Mizoram-in Development ṭha zawk leh Mizoram mipuite mahni ke-a ding thei tura Central BJP kaihhruaina hnuaia hma lak hi kan tum a ni. Chumai bakah BJP kaltlanga Kristianna ṭha leh dik kan tih lan theih nana hmalak hi kan tum a ni bawk a, Mizorama Sorkar mek leh Sorkar tawh kan en chuan a lang maia Kristian chhungril lamah Milem bia nun kan neih avangin vawiinah hian Mizoram hian hmasawnna kan hmuh tur ang kan hmuh theih loh phah ta hi a pawi hle a, kan Kristianna hian Biak In pel se, kan hnathawhna kawng hrang hrangah kan Kristianna hi lang chhuak in, ringlo mi kan tih te entawn tura awm hi kan nih dan tur ni awm tak a nih lai a, Milem bia te pawh tluk lova, eirukna avanga kan hmingchhiat mai bakah kan Pathian hming thlenga sawichhiatna remchang awm te hi a pawi tak zet a ni,” a ti a.
R Vanramchhuanga chuan sawi chhunzawmin, “Chuvangin vawiinah hian BJP Mizoram chuan kan awm chhan leh Mizorama kan din chhan Mizoram leh Hnam leh kan Sakhua a him na turin theihtawpin hma kan la zel dawn a, Manipur buaina avanga kan chipui te’n harsatna an tawhna ah pawh BJP Mizoram chu kan tlanchhe dawn lova, kan dinna hi Mizoram mipui te hian min thlawp zawk turin kan ngen che u a, a chhung aṭanga hmalak hi a sawtin kawngro pawh a su hle a, hma kan la zel dawn a ni,” a ti bawk.
