Aizawl DC leh Chairman, District Disaster Management Authority, Aizawl District ni bawk chuan a hnuai ami ang hian Cyclone Remal in chhiatna nasa tak a thlen avangin Hlimen leh a chhehvel a leimin hlauhawm chinna awm te chu hmun him lama insawn tura hriattirna a chhuah:
Cyclone Remal avangin Aizawl District chu Mizorama chhiatna tuar nasa ber pawl niin, chhawmdawlna leh chhanchhuahna hna thawh mek a ni a. Tin, Mizoram State Emergency Operation Centre (MzSEOC) atang leh Directorate of Geology & Mining atanga thu dawn danin, Hlimen khua leh a chhehvel leilung hi a nghet lo hle a, ruahtui tam zawk a tlak zel chuan chhiatna nasa tak thleng leh thei a ni a.
Chuvangin, Section 30 (2)(iii) of the Disaster Management Act, 2005 in thuneihna min pek angin kei, Nazuk Kumar, Deputy Commissioner & Chairman, Aizawl District Disaster Management Authority hian a hnuaia thupek hi ka chhuah e:
“Hlimen leh a chhehvel, leimin hlauhawmnaa cheng zawng zawng te chu an chenna chhuahsana hmun him lama insawn tura hriattir an ni e”
