Hman khat daih Sarang (Single Use Plastics- SUPs) chu Plastic Wastes Management Rules 2021 chuan siam chhuah, hman leh hralhte a khap tak avangin Mizoram Sawrkar pawhin, heng hman khat daih plastic-te, tirem tura hma lakna tur kawng (Comprehensive Action Plan) a duang fel tawh a. Chumi bawhzui chuan a tel loa awm theih loh plastic-te zir chiang tura inrawn khawmna chu vawiin chawhma dar 11 khan PPCF Conference Hall, EF & CC Deptt., Tuikhuahtlangah neih a ni.
He inkhawm hi Pu C. Lalduhawma, Member Secretary, Mizoram Pollution Control Board
leh State Special Task Force-a Secretary ni bawk chuan kaihruaiin, a kaihhnawih Department hrang hrang te, Environment lam NGOs-te nen sawihona hun hi hman a ni.
Kal khawmte chuan MULCO bawnghnute pack-na te, Dahi bur te, thlai tih tiahna poly bag-te hi a thlakna la awm mai lo a nih angin permitted SUP zingah telh ve ni se, amaherawhchu Extended Producer Responsibility hnuaiah an plastic semchhuah te, la let
leh thung se thain an hria a, Chumi tura a tul anga rawtna thlen nise an ti.
Hman khat daih Sarangte hi kumin chhunga tirem vek tura Sawrkar laipui thupek a ni a, he meeting hian theihtawp chhuaha mipui tanhona a pawimawhzia an sawi bawk.
