Excise & Narcotics Department chuan 25th August, 2023 (Zirtawpni) chawhnu dar 2:40 khan Tuirial Vengchhak-ah heroin Kg 1 & gram 310 (Hawng 100) leh a neitu nia puh mi pahnih – Ali Hussain Laskar (40) s/o Tarmuj Ali Laskar, Saidpur, Mukam, Silchar, Assam leh Sebul Haque Barbhuiya (28) s/o Asam Uddin Barbhuiya, Ranghirgai, Amjurghat, Cachar District, Assam-a khawsa nia inchhalte chu an man. Heroin phurhna atana hman TATA 3118C Truck (Regn No MZ01-R/5429) pawh hrensak an ni.
Excise & Narcotics Department hian 28th August, 2023 (Thawhtanni) zan dar 10:45 khan Seling-ah heroin Kg 2.000 (Hawng 149) leh a neitu nia puh mi pahnih – Bokul Uddin (23) s/o Moin Uddin leh Sabil Ali (24) s/o Bais Ali, Masly Banga Bazar, Karimganj District, Assam-a khawsa ve ve nia inchhalte chu an man. Heroin phurhna atana hman Bolero Pikup (Regn No. AS-10-AC/1929) pawh hrensak an ni.
Heng heroin mante hi Myanmar atanga lak, State pawna hralh tur a ni. Heroin vanga mante hi The Narcotics Drugs & Psychotropic Substances Act, 1985 (NDPS Act) tlawhchhanin thubuai siamsak an ni. Court-a thiamloh chantir an nih chuan kum 10 atanga kum 20 chhung hrehawm taka Jail tantir leh pawisa Rs. 1,00,000 atanga Rs. 2,00,000 thleng chawitir bawka hrem theih an ni ang.
