Zirtawpni zan khan Special Narcotics PS team chuan heroin gram 374 (hawng 29), International market-a Rs. 1.87 Crores man chu Rohlupuii (43) w/o PC. Lalnuntluanga of Zokhawthar, Champhai kut atangin 1st MAP playground, Armed veng, Aizawl bulah an man. He thil hi chhuizui mek a ni.
Zirtawpni zan vek khan Chalbawiha Junction-a inthlahdul hauh lova duty Champhai Police-te chuan Champhai District-a Melbuk khaw mi Lalzetluanga (19) s/o Khiangkhama kut atangin heroin gram 51, international market-a nuai Rs. 25.5 man chu an man sak. Zokhawthar atanga Aizawl pan tur maxi cab-a zin mek a ni.
