MNF Thalai c huan thuchhuah siamin, “Tunhnai a CM Adviser Dr KC Lalmalsawmzauva’n ‘Mizorama Hmunphiah te Sorkarin a lei zo vek tawh’ tia a sawichhuak hian Mizoram mipui a barakhaih nasa hle a, Zoram kiltin ah mak tih a hlawh a ni,” a ti.
Vawiin hian Mizoram hmun hrang hranga Hmunphiah chin na hmunte chu MNYF Hqrs leh MNYF blocks hruaituten a hmuna kalin an tlawh a, “Hmun hrang hranga kuhva chingtute kan kawm naah hian Mizoram sorkarin hmunphiah lei miah loh na khua leh bial a tam hle tih kan hmuchhuak a ni. Hachhek bial, West Tuipui bial, Mamit bial, Dampa bial leh Thorang bialah te hian khaw tam takin hmunphiah an ching a, Heng khuaah te hian Mizoram sorkarin a intiam ang in hmunphiah a lei miah lo tih MNYF hruaitute chuan an hmuchhuak a ni.
“Hmunphiah chingtute hmunphiah hralhna hre lova lungngaia an tah laia CM Adviser Dr KC Lalmalsawmzauva’n dawt chiang tak sawi a mipui a bum hi demawm kan ti a, mipui ah ngaihdam a dil ngei MNYF chuan kan phut a ni,” an ti bawk.
Vawiin hian MNF thalai hruaitu te chuan Kolasib District huam chhung a khaw hrang hrang N. Hlimen, Saipum, Saiphai leh Vairengte a Hmunphiah chingtu te kawmna hun Vice President Pu Lalnunmawia Pautu ho in an nei a ni.
MNYF hruaitu te chuan, “Tun hnai a, ZPM kaih hruai Mizoram sawrkar in Hmunphiah lei zo vek ang a mipui te a bum duh hi mak kan tiin, Sawrkar kan dem tak zet zet a, Pu Lalduhoma kaih hruai Mizoram sawrkar in Hmunphiah kan lei zo vek a tih hi Dawt niin Kuthnathawktu te hmuhsit na leh rahbeh na nasa tak ah kan ngai a ni,” an ti a.
MNYF Headquarters chuan, “N. Hlimen, Saipum, Saiphai leh Vairengte-a Hmunphiah chingtu a hmun ngei a kal chilh in Hmunphiah Sawrkar in lei lo a, Vai sumdawng ten an duh duh dan in rate siam a Hmunphiah hring leh ro an lei hi a pawi kan ti a, Hmunphiah lei chungchang a ZPM Sawrkar a in rawlh avanga Hmunphiah ching tute dinhmun a chhiat phah hi pawi kan ti hlé a ni,” an ti bawk.
