Mizo Students’ Union: General Headquarters, Aizawl chuan tun hnaia Assembly Secretariat-a hna lak chungchangah Mizo ṭhalai hna zawng mekte rilru tihnual thei thil dik lo a thleng nia lang chungchangah vawiin khan Deputy Chief Minister Pu Tawnluia chu a Pisa-ah hmuin hna lak chungchang hi an sawipui.
MSU chuan Assembly Secretariat-a hna lak chungchangah induhsakna leh thil dik lo hmanga hna lak nia thuthang chungchangah hian Deputy Chief Minister chu chhui chiang tur leh Mizo ṭhalaite rilru tihnual thei thil a awm a nih chuan a titute dân anga hrem ngei turin MSU chuan a ngen a. He hna lak chungchanga thil dik tawk lo thleng nia sawi chungchangah hian MSU chuan Mizo Zirlaite lungawi hma chu a tâwp thlengin a chhui dawn a, RTI hmangin zawhna theh luh a ni tawh a, MSU hma laknate thlawp tlat turin Mizo mipui leh zirlaite a sawm nghal bawk a ni.
