Village council (VC) ten hnatlang an koh a hnatlang thei lo te phatna chu Rs. 250 aia tam lo a ni dawn a, runna Rs. 500 thleng a ni tawh dawn.
Mizoram sorkar chuan May ni 19, 2025, Thawhtanni khan village council (VC) Mizoram (Village Council) Act, 2025 hmanga pawisa an khawn (lak) theih zat tur a tichhuak a, sawrkar hriattirnaa tarlan danin, VC-te’n an huam chhungah property tax an khawn dawn a, Assam type-ah Rs. 100, semi concrete building-ah Rs 150 leh concrete building-ah Rs. 200 zel kum khat atan khawn remtih a ni.
VC-te’n pawisa an chawitir theih zat chu Rs. 2,000 thleng a ni a, inrun leh phatna atana an lak theih zat chu, mi runna atan a tam berah Rs 500 leh phatna atan a tam berah Rs. 250 an la thei dawn. An huam chhunga buaina a awma, VC-te’n thu an rem dawnin thu an remsak turte hnenah registration fee atan Rs. 100 an lak remtih a ni bawk.
