Home Minister Lalchamliana chuan vawiin khan a bial chhunga East Lungdar khuaah Rurban scheme hnuaia sak Futsal khelmual a hawng. Home Minister hi Lalruatkima, Rural Development Minister-i’n a tawiawm a ni.
He Futsal Ground hi SPMRM(Rurban) Scheme hnuaiah cheng nuai 45 senga sak niin, implementating agency chu BDO, East Lungdar RD Block a ni a. A dung 115 ft, a vang 65 ft niin, June ni 6, 2022 khan sak tan a ni a, August ni 13, 2022 khan sak zawh a ni. Artificial Turf changkang tak phah a nih mai bakah zan lam thleng pawha khelh theih turin Light System-a thuam a ni bawk. He Artificial Turf Futsal Ground hi Serchhip District-ah chuan Futsal Ground chung nei hmasa ber a ni.
Inkhel entute thutna tur gallery 92 x 12 ft siam a ni a, inthlakna room 3 x 3.5 ft leh inthiarna (toilet) pakhat ve ve bakah tui dahkhawlna sintex litre 1000 dawng dah a ni a. A chungah hian dynaroof phah a ni.
