Hospital-ah 20KV Genarator pe

Lunglei DC office kawtzawl ah nimin khan National Highway and Infrastucture Development Corporation Limited (NHIDCL) chuan an Corporate Social Responsibility (CSR) Fund atangin Tlabung Sub-Division Hospital a hmantur 20Kv Kirlosker Generator Rs. nuai nga man an hlan. He hun hi Lunglei Bawrhsap Kulothungan A, IAS chuan a hmanpui.
Kulothungan A chuan Hospital a thawktute mai bakah Tlabung leh a chhehvel khua te tan hmanrua tangkai tak a nih tur thu leh lawmawm a tih thu a sawi a ni.
Tlabung Sub-Division Hospital tana Kirlosker Generator an pek hi Arvin Reddy, Project Co-ordinator, NHIDCL chuan Dr. L.C Liana, Chief Medical Officer, Lunglei hnenah a hlan a ni. Generator hi NHIDCL ten Tlabung ah an dahsak dawn a ni.