Hrileng vanga Vawk suat sak ten Zangnadawmna an dawng hnai

District Level Coordination Committee on African Swine Fever (ASF) Aizawl District te chu Mizoram State Veterinary Council Hall, Khatla ah thu khawm in Dr. Lalhriatzuali Ralte Aizawl District , Chairman ni bawk chuan a kaihruai a. He meeting ah hian Aizawl District chhunga vawk hri hlauhawm tak ASF hrileng hmasa (first wave) a vawk suat nei tute , Sawrkar laipui leh Mizoram Sawrkar atanga zangnadawmna (compensation) hmu turte list chu en ho a ni a, committee Chairman chuan vawk suat nei tu ten zangnadawmna an dawng tur chu a lawmpui thu sawiin he list hi fimkhur tak leh uluk tak a endik anih hnuah lawm tak in committee chuna a pawmpui tih a sawi.
Nimina District Level Coordination Committee on African Swine Fever (ASF) Aizawl District te thukhawm chuan A.H & Vety Department hriatpui in Aizawl District chhungah zangnadawmna dawng tu tur khaw 27 awmin , chhungkaw 1069 an awm a , Rs. 400,68,200/- semchhuah tur ani.
Chairman chuan he vawk hri hlauhawm tak dar zel tur ven nan a, mahni chan na tur pawh pawi ti lo a phal taka mahni vawk vulh lai te suat tir tute chungah lawmthu a sawi tak meuh meuh a ni. Tunah ASF hrih thawh hnihna (2nd wave) a leng leh mek a, he hrileng hi kan dah chah theih na turin mitin te kan pawimawh vek a, mahni veng theuh a vawk talh tuten ASF hri laka him te chauh talh thin tur leh Vety Doctor te hriatpuina leh pawmpuina lehkha nei te chauh dawr thin tur leh rinhlelh awm te chu thuneihtute hnenah thlen vcat thin turin a ngen bawk ani, State dang atanga vawk emaw vawksa atanga eitur lakluh, a bikin sarep te , frozen food hrang hrang te chu ASF len ve lohna State, ASF free area atang chauh a lalut tur leh hmarchhak state thenkhat atanga vawksa rep emaw vawksa atanga eitur siamte lalut lo turin mipui te a chah bawk ani. Dan zawmlo te chu na taka hrem tur an ni tih a sawi lang bawk ani. Tin, ASF vanga vawk thi a awmin thla 6 chhung vawkin dahruak a vawkin chu tih thilanghlim reng tur ani a vawkvulhtuten heihi tha taka zawm turin a sawm bawk ani. Nimina District Level Coordination Committee on African Swine Fever (ASF) Aizawl District thutkhawm ah hian, Auzawl SP, 2nd Assam Rifle, AMC, Commerce &Industries, BSF, CMO (E)te an tel a ni.