Mizoram Board of School Education in vawiina Higher Secondary School Leaving Certificate Examination Pawl 12 result a tihchhuahah zirlai 11,084 an pass a, pass percentage hi zaa 78.66 a ni.
Vawiina result tihchhuah ah hian zirlai exam pe 14,091 awmin heng zingah hian zirlai 809 te chu Distinction ah pass in, zirlai 3451 First Division ah an pass a, 4268 Second Division ah pass in zirlai 2556 third ah an pass a ni. Compartment chance nei mi 6 awmin zirlai 3001 te chu an hlawhtling rih lo a ni.
Arts stream ah Rodinpuia Ralte, Home Mission School chu mark 469 hmu in pakhatna a ni a, Science Jonathan Lalhruaitluanga, St Joseph Higher Secondary School chuan mark 458 hmu in pakhatna a ni a, Vanlaldika, St Pauls Higher Secondary School chu Commerce Stream ah pakhatna niin mark 473 a hmu bawk a ni.
Pawl 12 Result vawiina tihchhuah takah hian candidate 14,376 an awm a, heng zinga 14,091 ten exam an hmachhawn a ni. Nikum khan zirlai zaa 82.07 an pass a, HSSLC zirlai exam bei zingah hian mipa 82.04 an pass a, Hmeichhia hi 82.10 an pass bawk. MBSE hian nikum khan May 31-ah a tichhuak a, 2021 Khan June 18 ah HSSLC result hi a tichhuak thung a ni.
