Aizawl May 31 : Higher Secondary School Leaving Certificate HSSLC 2022 result chhuakah Exam beitu mi 11,908 awmah mi 9773 an pass in a pumpui pass zat chu zaa-a 82.07% pass a ni., kum hmasa aia result a chhe zawk a ni.
Kum 2022 Higher Secondary School Leaving Certificate, Result hi vawiin chhun dar 12:00 khan Mizoram Board of School Education Chaltlang Aizawl ah tih chhuah a ni a. Kum hmasa lamah 87.80% pass an awm laiin kumin ah chuan 82.07% an pass thung a. Kumin hian Arts, Science leh Commerce zirna in zawng zawngte chu fail an awm lo a ni.
Arts Subject a tithaber chu Lalrohlui Ralte, D/o Lalduhoma Ralte, Synod HSS niin Aizawl chuan mark 500 ah 462 a hmu a ni. Science subject ah top 10 ah mi 11 langin Simon Lalremsiama Shangpliang S/o Kyrshan Shangpliang St.Paul’s HSS, Aizawl chuan mark 469 hmu in pakhatna a ni bawk. Commerce subject top 10 ah mi 11 langin mark 462 hmutu Mercy Lalthansangi D/o C. Zonunthara, Oikos HSS chu pakhatna a ni bawk. HSSLC Result 2022 nimina tihchhuah takah hian centre 90-ah exam tura inziak lut mi 12301 zingah mi 11908 in an exam a. Zirlai, mi 9773 an pass chhuak a, mi 2068 an failed thung. Exam tura inziak lut zirlai 393 in exam en an thulh a, compartmental chance nei mi 67 an awm a ni.
A pumpuiah zirlai exam hmachhawn-ah mipa aiin hmeichhia an tam zawk a, mipa 5606 in exam turin an in ziak lut a, hmeichhia 6302 in exam turin an in ziak lut bawk. Pass chhuak ta hi hmeichhia mi 5174 an nih laiin mipa 4599 an ni thung a. Pass percentage hi mipa 82.04% niin hmeichhia 82.10% a ni thung. Subject hlawm hrang hrangah za zelah Arts-ah 84.22% in an pass a, Science-ah 75.36%, Commerce-ah 75.47% in an pass a ni. Candidate zawng zawng pass kim vek Arts-ah school 56, Science-ah school 6, Commerce-ah school 3 an awm a, candidate zawng zawng fail vekna school an awm lo thung a ni. Distinction ah mi 821 an pass a, first division-ah mi 4058, second division-ah 3559, third division ah 1335 mi an pass a ni.
MBSE Chairman JH Zoremthanga thusawi
MBSE Chairman JH Zoremthanga chuan kumin pawl 12 result chhuak ta ah nikum lam an phakloh rualin Exam pass te mark hmuh erawh atha thawkhat viau tih a sawi.
Vawiina HSSLC Results puan tak chungchanga thuthar lakhawm tute MBSE Chairman in a kawmna ah Covid avangin Theory bikah zirlai naupang 52 in exam an tluan theilo tih sawiin, Practical ah mi 75 ten an exam tlaun theilo bawk a ni ati. Heng nauapangte tan hian Compartmental Exam neih rualin an exam ve thei dawn tih MBSE Chairman chuan a sawi bawk a ni. Kumthar atang chuan zirlai a pangngai a kalpui tawh tur a nih thu JH Zoremthanga chuan sawiin, Mizorama MBSE in Syllabus a siamte chu Central CBSE nena in ang vek a nih avangin a hniam bik chuanglo tih sawiin, kumthar atang phei chuan zirlai naupang ten a zirtura bituk hrang hrang te chu quality tha zawka thuam chhoh zel a nih tur thu MBSE Chairman chuan a sawi bawk a ni.
