Hun khirh laia ro min reltirtu Pathian hian hun pangngaiah ro min reltir leh ngei ang : Dr. K. Beichhua, Minister

MNF party-in vawiina Mizo Hnam Run chhung inkhawm an neih hun hnihnaah Dr. K. Beichhua, Minister AH&Vety. Etc Minister chuan hmanpuiin, “Hun khirh leh harsa taka ro min reltirtu Pathian hian, hun pangngaiah ro min reltir leh ngei ang,” a ti.
Minister chuan, “Pathianin mipuite vote hmanga a ruat sawrkar a ni a, he sawrkar sawisel leh diriam tute hi Pathian ruat pawmlo tute an ni, a ti. Chief Minister leh Minister dangte thawhhona a tha em em a, thawhhona chungchangah hian sawiselna tur hria an awmlo, thiamna sang tak nei MLA te thawhhona a tha em em ani, a ti. CM dawhtheihna leh inpekna a ropuiin a fakawm a. Party hotute kaihhruaina a fakawm em em a ni, a ti.
AH&Vety. Minister chuan, kan sawrkar tirhin sa kan mamawh atanga za zela sawmthum paruk chauh kan thar a. Kan chawhmeh duhber vawksa a intodelh turin ramdang atanga vawk lakluh kan khap a. Hei vang hian thalai tam takin ‘vawk farm’ an buaipui a ni. Vawk pulhri vangin kan buai ta a. Vawk suat compensation dil hmasa ber leh sem hmasa ber state kan ni a. Hri vanga thi vawk compensation pek anih theihnan hmalak mek a ni, a ti bawk. AH &Vety department hnuaia project thehluh thar engemaw zat Central lamain min pawmsak a ni, a ti bawk.
MNF Adviser chuan, kum 60 chhung tluang taka MNF hruaitu hi Pathian a ni a. Hun khirh leh harsa kan tawhte hi hun lo la awm tur atana Pathian min tahhriam na a ni a. MNF MLA te an bial ngaiah dinhmun thalo an awmlo a, chuvangin inthlanpui lo awm leh turah kan sawrkar leh ngei dawn a ni, a ti.
Hnam Run chhung inkhawm hi T.C Kaphmingthanga, Gen. Secy, MNF Gen. Hqrs chuan chuan a kaihruai a ni.