D3 Amrit Cement Inter Branch YMA Volleyball Champion, 2022 Mipa champion Hunthar Veng hnemah Bialtu MLA Pu C Lalmuanpuia leh Johan Zosangliana ward Councillor ten Cheng nuai 20 an hlan.
Ni 19 – 30, July, 2022 chhunga Mizoram chhunga YMA branch te intihsiakna D3 Amrit Cement Inter Branch YMA Volleyball Championship, 2022 Chhunga neihah Mipa Team Champion Hunthar Veng chuan champion lawmna ropui takin khawtlang huapin ruai nen an lawm a.he hunah hian Bialtu MLA C. Lalmuanpuia leh Ward Councillor John Zosangliana te chuan hmanpuiin, bialtu MLA chuan Hunthar Veng chu Mizoram dengchhuak khawpa volleyball thiam veng leh hmingtha an nih thu sawiin, mizoram volleyball a dam chhung chuan hriat reng an nih tawh dawn thu a sawi a. Mizorama volleyball a mei mit lova a awm reng theihna chhan pakhat an nih thu a sawi bawk a ni.
Johan Zosangliana ward councillor chuan thu sawi bawkin, volleyball Mizoramin kan hmelhriat chin a ta Hunthar veng chu chhum lo chat lova sulsutu an nih bakah helam kawnga khawtlang tanrualna chu entawn tlak a nih thu a sawi a. Champion ni thei tura palyers te leh coaching staff te thawhrimna chu Mizoram Volleyball historyah hriareng a nih tawh thu a sawi bawk a ni.
He hun hmanpuitu Bialtu MLA leh Ward Councillor te hian Volleyball Court changtlung zawka vengchung in a neih theih nan a hmalak nan Cheng nuai 20 an hlan nghal bawk. He hunah hian Mizoram huap pawha zaithiam tak tak te bakah Youth Icon 2019 Nl Zothanpuii ten kal khawm te an awi a. Chawhnu lamah lawmna ruai khawtlang huapa theh nghal a ni.
